Elemento da Idade Moderna
Pazo de Leboráns, Trasmonte
Estrutura
O Pazo nos seus orixes foi unha fortaleza defensiva da que se conserva unha gran torre dos séculos XV e XVI. Posteriormente levantouse a antiga mansión señorial do século XVIII de planta rectangular, con muros de cantería sen balconada e con poucas ventás. Ao lado dela, atópase a capela de forma alongada que está dedicada ao neno San Félix. A súa entrada está rodeada por un muro de pedra e adornada con flores e no alto ten unha espadana cunha pequena campá. Posee 3 escudos de armas pero o mellor conservado é o que se atopa nunha das fachadas principais. Este está debaixo dunha coroa e nel aparece unha representación dun pino e dunhas lanzas que pertenceron as familias Caamaño e Leis.
Ao lado do Pazo, hai como un pequeno espazo que está cuberto por unhas árbores onde hai uns bancos e un pozo antigo, non moi fondo, no chan. Tamén hai como un mirador que ten vistas as leiras propiedade do donos. Este está suxeito por un muro de pedra que ten un arco grande onde debaixo del hai un lavadoiro. Xusto ao seu lado, atópase un pombal de pouca altura cunha porta pequena e con moitas árbores ao seu arredor.
A construción, rodeada por xardíns e árbores, está cercado cun baixo muro de pedra con columnas que ten reixas de ferro enriba del.