Explicación de como recreaches o retrato
O proceso que seguín foi sinxelo. O único que fixen foi tentar reproducir a roupa que levaba Felipe IV no retrato coa roupa que tiña na casa. Tamén tentei escoller un retrato no que Felipe IV levara unha roupa que puidera reproducir con facilidade e sen ter que modificar nin romper ningunha prenda das que teño na casa.
En primeiro lugar, vou falar do fondo: o fondo do retrato é escuro, iso supuxo un problema, xa que non teño ningunha parede escura que poida usar para iso. Por sorte, unha porta que hai no sótano é marrón, e, aínda que non é un fondo moi similar ao do retrato, era o fondo máis parecido que atopei.
A golilla fíxena con fieltro, que xa estaba inventado na época. Aínda que non quedou exactamente igual que a do cadro, opino que polo menos ten un parecido razoable. Por certo, para unir os dous extremos da golilla usei un imperdible, que, aínda que fora reinventado no século XIX, era mellor que usar pegamento ou silicona.
A roupa que levo na foto é toda negra, como a do cuadro. Primeiro puxen un xersei da miña nai, feito de algodón, que xa estaba presente na época, aínda que gañou importancia no século XIX. Por riba do xersei puxen un chaleco para facer de recheo e, por riba do chaleco, puxen unha camiseta (dun material sintético, pero é a única camiseta negra que teño) do revés para que só se vira a parte negra.
A capa que puxen é unha capa que fixo a miña avoa para un disfraz do Samaín, pero, descoñezo de que material está feita. Desafortunadamente, era a única capa parecida á que leva Felipe IV no cuadro así que tiven que usala. O cordón para atar a tapa fixeino á camiseta coa axuda, de novo, duns imperdibles.
O bigote tiven que facelo de cor marrón escuro, posto que non tiña pintura de cor marrón clara. Para o pelo, puxen un pouco de gomina para tentar replicar o pelo que ten Felipe IV no cadro. Non teño ningunha perruca na casa que poda poñer, pero, si que teño un pouco de lá amarela. Probei a replicar o pelo de Felipe IV coa lá da que falei antes, pero, non quedaba ben e facía que o disfraz parecera como se fora de broma.
Por último, vou falar da miña expresión facial e posición na foto. Tentei imitar o característico prognatismo de Felipe IV, levando o queixo cara adiante. Non quedou moi parecido á foto pero espero que sexa suficiente. No cadro, Felipe IV está un pouco de lado, pero, mirando cara adiante. Non sei se a miña posición na foto será a mesma, xa que no cadro non se poden ver as pernas do rei e, por tanto, non podo saber a posición na que está.