Explanation of the object
A bicicleta do meu pai é unha Orbea (marca española de bicicletas) Orduña, que lle agasallaron os seus pais cando tiña 8 anos.
A bicicleta, fóronna mercar a unha tenda chamada "Ali" na Solana, un núcleo de poboación en Narón, Santa Cecilia. Esta tenda, na actualidade convertiuse nunha empresa galega, coa xoguetería máis grande de toda Europa.
O vendedor da tenda aseguroulles que a montara el collendo as diferentes pezas da bicicleta, para que a puidesen probar, e vendeulla por 20000 pesetas.
Os meus avós, decidiron agasallarlle a meu pai unha bicicleta de adulto, aínda habéndoas máis pequenas, xa que naquela época, o máis importante era que os obxectos duraran. É por iso, polo que o seu fillo tiña que subirse pegando un chimpo.
Esta bicicleta dáballe liberdade para moverse pola zona, pero xa cando era máis maior, substituíuna por un ciclomotor, pasando así a bicicleta ao seu sobriño Marcos, co que pasou o mesmo.
Xa máis tarde, levouna o meu tío Pascual polo seu traballo na Armada, coa que se desprazaba polas cidades nas que atracaba, coma na base naval de Rota (Cádiz) en 1992, onde a bordeaba para ir dunha porta a outra da nave.
Hai dous anos, o meu pai pintouna, polo que xa non podemos ver as marcas de sal e óxido que lle deixaron estas viaxes.
En toda esta historia da bicicleta, o meu pai nunca lle tivo que cambiar os freos nin as rodas, polo que podemos ver que antes, os obxectos facíanse para que durasen, ao contrario que algúns productos da actualidade, que duran moi pouco tempo.
Esta bicicleta tamén ten marchas, en concreto, dúas catalinas, e cinco piñóns, que se poden ir cambiando cunha pequena panca que ten debaixo do guiador.
As bicicletas en xeral, apareceron por primeira vez na historia da humanidade en 1817, inventadas polo alemán Karl von Drais, aínda que neste momento non tiñan pedais, eran de madeira, e chamábannas velocípedos ou Draisines.
Non foi ata 1839, que o escocés Kirkpatrick MacMillan lle engadiu a este invento os pedais, sendo este tipo de bicicletas fabricado por primeira vez en 1869 por Thomas McCall.
En 1880, comezaron a facerse bicicletas coa roda dianteira máis grande, pero se desbotaron en 1990, coa aparición das "bicicletas de seguridade", que tiñan as dúas rodas do mesmo tamaño, modelo que segue vixente na actualidade.
Xa a partir do século XX, empezouse a utilizar máis o coche, deixando así a bicicleta nun segundo plano. Aínda así, nos anos 60 e 70, aumentou moito a compra de bicicletas. A finais deste século, espertou na sociedade o interese por manterse en forma, vendo así este vehículo como unha forma de levalo a cabo.
Agora, pasarei a falar sobre a historia da marca da bicicleta do meu pai, Orbea:
Esta é unha empresa que foi fundada en 1840 en Eibar (Guipúzcoa), polos irmáns Juan Manuel, Mateo, Casimiro e Petra Orbea Murua, chamándose así "Orbea Hermanos", co obxectivo de adicarse á fabricación de revólveres de pistón, cartucho e pistolas.
En 1895 falecen os fundadores da empresa, pasando así a chamarse "Orbea y Cía", e converténdose nun dos maiores fabricantes de arma curta en España.
A Primeira Guerra Mundial fixo que esta empresa aumentara moitísimo as súas ventas no estranxeiro.
A finais dos anos 30, a empresa pasou a chamarse "Orbea y Cía. S.A.", e deixou de fabricar armas para pasar ás bicicletas.
En 1969, o último familiar da Familia Orbea, Esteban Orbea, cedeu a empresa aos seus traballadores, pasando así a chamarse "Cooperativa Orbea", abandoando así Eibar para ir a Mallabia.
Nos anos 70 e 80, Orbea fabricou moitísimas bicicletas de carreira, creando así o primeiro equipo desta marca. Co equipo no que participou esta, Orbea Gin MG, gañou Perico Delgado a “Vuelta a España” en 1985. En 1992, creouse o equipo de montaña, con Jokin Mugika como un dos integrantes.
A partir dese momento, a marca seguiu vendendo numerosas bicicletas, e facendo que moitos deportistas gañen diferentes competicións con estas.