Research topic explanation
O instituto non foi sempre igual, senón que foi modificándose para cubrir as necesidades do alumnado e do profesorado, xa que ían aumentando considerablemente co paso do tempo. O aumento da poboación de Ames, e como consecuencia, dos alumnos do instituto, debeuse a que as vilas do concello (principalmente Bertamiráns e Milladoiro) funcionaban (ao igual que hoxe en día) coma "cidades dormitorio", servindo como residencia para as persoas con traballo en Santiago de Compostela.
Ao comezo do funcionamento do instituto, no ano 1997 (tal e como indica a placa que hai na entrada), estudaron alí poucos rapaces por falta de espazo para os mesmos. Unha ampliación do IESP para que tamén puidesen asentarse alí os estudantes de bacharelato non era posible, porque xusto a un lado estaba a escola dos nenos de educación primaria, e ao outro lado, había unha torreta de alta tensión impedindo as construccións.
Despois da presión exercida pola dirección do IES, decidiuse cambiar a torreta para máis adiante, podéndose colocar 3 aulas na planta superior e outras 3 na inferior, destinadas todas elas ao bacharelato. Pouco despois, construíronse outras 4 aulas nos laterais do edificio; chamándolle anexos do W e anexos do L. Hoxe en día podemos comprobar nós mesmos estas ampliacións, ao mesmo tempo que o respecto polo patrimonio e o arte por parte do insituto, posto que no interior dunha destas aulas aínda permanece conservado un graffiti que formaba parte do muro exterior en tempos anteriores.
No edificio tampouco había salón de actos, e facíanse os eventos nunha clase grande chea de humidades, polo que había que ter un deshumidificador prendido, gastando enerxía e cartos continuamente. Finalmente, constrúese o salón de actos onde estaba situado un porche, facendo posible a realización de novas actividades coma os discursos, ou o teatro.
Mentres que a escola de primaria do lado estaba en obras, no instituto fixéronse catro clases máis un tempo antes para que estes puidesen continuar co ensino ata que rematasen as obras.
Asimesmo, todos os profesores tiñan un departamento que compartían cos compañeiros que impartían a mesma materia, excepto os de educación física. Por isto, construiuse un pequeno departamento (no interior do instituto) e unha clase onde poder impartir a teoría.
Máis tarde, fixeron os laboratorios, o taller de tecnoloxía (a carón do ximnasio, e ao que dan as fiestras de varias aulas porque antes había un porche no seu lugar), e a aula de educación física. Como motivo destas dúas últimas modificacións, os corredores volvéronse máis estreitos do que eran no seu formato orixinal. Ademais, reduciuse moito o tamaño do patio, quedando pequeno en relación á gran cantidade de alumnos e profesorado, que segue a medrar actualmente.
Xa en anos posteriores ao 2015, realizáronse cambios na disposición das aulas, modificando as localizacións: do laboratorio, dos departamentos de dirección, do taller de tecnoloxía, da aula de música, e da biblioteca (amosados nas imaxes dos planos en cor verde); pero aínda así, hai cousas que permaneceron intactas (amosadas nas imaxes do plano en cor amarela).
Xa a comezos do uso do instituto, a sala de profesores (que se atopaba na actual aula de titorías de pais e nais), para que estivese máis preto dos alumnos, trasladouse a onde antes era a biblioteca, movendo do mesmo xeito, a biblioteca para a súa posición actual. Ademais, durante un tempo, usouse a sala 201 como sala de profesores fumadores, pero deixou de ter esta función por falta de espazo para o alumnado, converténdose nunha aula para o ensino.
Xa finalmente, no 2017, foi construida unha Sala de Usos Múltiplos (SUM) no lugar da cancha de baloncesto, onde poder facer as clases de educación física e diversas actividades didácticas.