KaleidoScapes

Geography and History of Ames

Recreando a arte moderna « Atrás    

Nome da obra
Catro figuras nun escalón
 

Laura de la Torre González · 30 abril 2019 15:54


Nome do autor ou autora
Bartolomé Estaban Murillo

Data da obra
1660

Obra orixinal

Recreación da obra

Explicación da obra
Este cadro do século XVII é profano. Nel aparecen catro figuras onde a muller máis xoven que están no centro é a máis destacada e o seu xesto de medio sorriso e co ollo medio pechado, nesa época e nese contexto, dan a entender que estaba solteira e dispoñible.
A expresión do neno que está de pé á esquerda supón un carácter picaresco como o pantalón roto do neno que está deitado. Tamén aparece unha muller maior que coas súas mans está protexendo a cabeza dese mesmo rapaz.

Explicación da recreación
Nós para recrear o claro-escuro puxemos unha manta escura no fondo para destacar máis as persoas.
Candela púxose un sombreiro negro na cabeza porque non tiñamos un amarelo e arredor do pescozo colouse un fular branco. Vestiu cunha camisa vaqueira e cuns pantalóns de cor marrón que os remangou ata un pouco máis abaixo do xeonllo. O seu xesto é mirando á cámara e sorrindo, tamén está co pé dereito enriba da cama e co brazo dereito apoiado nesa mesma perna.
Nerea colocouse unha toalla branca na cabeza e púxose unha camisa branca por debaixo dun chuvasqueiro verde. Tamén se enrolou unha manta vermella arredor da cintura a modo de saia. Ela está de fronte á cámara, coa man dereita enriba do ombro de Candela cun xesto de enfado e coa boca revirada.
Carla tamén se colocou unha toalla branca na cabeza e unhas gafas negras, púxose un xersei sen mangas marrón por enriba dunha camisa branca e sobre as pernas, colocouse unha cazadora negra para que parecese unha saia. Ela está sentada nunha cadeira un pouco encurvada, mirando cara enfronte e suxeitándo a cabeza da nena que está apoiada nas súas pernas. Esta viste cunha chaqueta gris e cuns pantalóns de cor marrón escura. Tamén leva uns zapatos marróns cuns calcetíns altos verdes. Ela está de costas e deitada nunha cama.

Nome da obra
Mujeres en la ventana
 

Carla Cantelar Ces · 9 abril 2019 21:08


Nome do autor ou autora
Bartolomé Esteban Murillo

Data da obra
1665-1675

Obra orixinal

Recreación da obra

Explicación da obra
É unha obra barroca (sevillana).
Do punto de vista temático, certos expertos tamén identifican dita obra coma "As Galegas", é dicir, duas mulleres da pobre e miserable Galicia que van a Sevilla a traballar coma prostitutas. Estas hipóteses relaciónanse co sorriso que ambas mostran, ademais do escote.
Dende o punto de vista técnico emprégase a técnica do óleo, ademáis do craro-escuro que se observa no fondo.

Explicación da recreación
Para recrear esta foto eliximos unha ventana dunha casa na que non dera o sol de fronte para que así se creara o claroescuro, que é unha gran característica, e como non quedaba demasiado escuro o fondo decidimos escurecelo mediante Photoshop.
Para a roupa collemos unha sábana que nos valeu como tela para cubrir o pelo máis unha camisa branca (vestimenta Ana).
Para a vestimenta de Carla collemos unha camisa que ainda que ten unha cor granate, ten as mangas baixadas que foi no que máis nos fijamos ao escoller esta prenda.
Logo para a foto en sí miramos tanto as expresións da cara como a posición corporal para poder facer a foto o máis realista que puidésemos, Ana salía menos no plano e Carla salía no medio do plano polo que a cámara enfocou menos a Ana que a Carla por esta situación.

Nome da obra
La joven de la perla
 

Ana Beiroa Ons · 9 abril 2019 20:31


Nome do autor ou autora
Johannes Vermeer

Data da obra
1665-1667

Obra orixinal

Recreación da obra

Explicación da obra
A obra pertence á arte barroca.
Dende o punto de vista temático determínanse varias hipóteses sobre a descoñecida identidade da xoven. Certos historiadores identifícana coma unha modelo contratada mentres que outros pensan que, como Vermeer tiña traballadoras na súa casa, ésta era unha delas que posou coma unha modelo.
Dende o punto de vista técnico, éste óleo sobre lienzo emprega a técnica barroca do craro escuro marcada na silueta da fermosa xoven sobre o fondo negro neutro, destacando a luz no rostro da xoven e especialmente no seu brillante pendente, unha perla en forma de bágoa.

Explicación da recreación
Para recrear a obra levamos a cabo os seguintes procesos:
Para empezar buscamos un lugar que estivera escuro, é dicir, un espazo no que ao colocarme para sacar a foto quedara escuro coma no cadro, para recrear así o craro escuro. Intentámolo baixando a persiana da ventá pero ainda así quedaba algo craro polo que decidimos colgar unha chaqueta de cor escura na ventá para dar a impresión buscada. Cando tiñamos a foto decatámonos de que a pose estaba moi ben conseguida, mais o craro escuro seguía sen notarse polo que empregamos Photoshop sobre a fotografía.
Falando dos accesorios, debido a complexidade de recreación do turbante que leva na cabeza, empregamos unha toalla de cor azul que atamos á altura da nuca e logo puxemos un fular amarelo con flores por riba, de forma que se ve o azul mailo amarelo; este turbante colocámolo de forma que tapara a maior cantidade de pelo como na obra. Logo, Ana puxo o pendente de perla para recrear o elemento máis simbólico da obra.
En canto á vestimenta, para recrear a chaqueta de cor beige, Ana empregou un xersei da mesma cor; ao non ter un cuello branco que sobresaíse decidimos poñer unha camiseta branca por debaixo que podemos observar na recreación.
Para a maquillaxe soamente empregamos unha cor vermella nos labios para igualalos aos que leva a moza na obra orixinal.
Finalmente para a pose, Ana púxose de perfil, inclinando lixeiramente a cabeza e mirando á cámara, cos labios algo entreabertos.

Nome da obra
O Cabaleiro coa man no peito
 

Samuel Míguez Blanco · 3 mayo 2019 20:22


Nome do autor ou autora
Doménikos Theotokópoulos, O Greco.

Data da obra
Entre 1578 e 1580

Obra orixinal

Recreación da obra

Explicación da obra
É un dos retratos españois máis coñecidos do mundo. Un cabaleiro coa man no peito mira ao espectador. O pintor enfatiza, na man e na cara, iluminándoos sobre un fondo case negro e establecendo así un vínculo co observador. A posición da man simplemente representa o xuramento da súa cabaleira. Este home, está vestido de forma elegante e leva unha espada dourada. Co profundo ollar, transmite a tristeza e a inquietude, coa man, a sinceridade.

Explicación da recreación
Para recrear a imaxe do "Cabaleiro coa man no peio", tívenme que vestir como tal, para iso, puxen unha camisa do meu pai e para facer a puntilla do pescozo e da man, collín un vestido blanco da miña nai. Con maquillaxe negro e marrón, fíxenme a barba e o mostacho, por último collín unha espada e púxena na cintura.
Para facer o fondo collín unha manta grís e colgueina na parede, despóis cuns eféctos retoqueina un pouquiño.

Nome da obra
Retrato de Jorge Manuel Theotocópuli.
 

Adrián Vilariño Abelenda · 29 abril 2019 20:30


Nome do autor ou autora
O Greco.

Data da obra
1603

Obra orixinal

Recreación da obra

Explicación da obra
Neste retrato aparece Jorge Manuel, o Greco, podemos observar que suxeita a paleta e os pinceis de pintor, que se converten nos puntos de referenza do retrato. O rostro mostra unha gran intelixencia acentuada polo fondo neutro. As mans demostran unha inexistente sensación de movemento que fai que esta obra pertenza o estilo renancentista. Segue a estela da Escola Veneciana.

Explicación da recreación
Fun a mercar materiais para representar a parte do pescozo e as mans, a paleta, os pincéis e a camiseta negra xa os tiña na casa. A barba e o bigote pinteino cun lápis de ollos. A foto está tomada nunha parede blanca.
O colo e os puños, na libraría atopei uns papeis que en forma de abanico que semellaba a perfección os do cadro, enrroleinos e pegueinos, e quedaron así.
« Atrás