Atrapa un topónimo! - KaleidoScapes

Versión popular do microtopónimo

Cabanas

Nuria Iglesias Couto · 4 marzo 2020 16:33

Versión oficial do microtopónimo
Cabanas

Pronuncia do microtopónimo

Fotografía no lugar e coa persoa informante

Localización

Parada #	Nombre	Descripción	Latitud	Longitud
1	Cabanas	Os Ánxeles, Brión	42,845336867	-8,690551199

Significado do microtopónimo
Unha cabana é unha construcción pequena, polo xeral de madeira, que pode ter o teito de palla ou remallos e que serve , ben para gardar o gran, a herba seca, os apeiros de labranza, etc., ben como refuxio da xente do campo.
A través de esta definición, intúo que cabanas é un lugar onde se podían atopar antigamente moitas cabanas con xente que se dedicaba a traballar no campo.

Clasificación segundo o significado
Construcións

Descricións das características naturais
Situase nunha montaña preto dun monte onde se pode encontrar moitos eucaliptos. Preto da aldea podemos atopar un pequeno regato e un pequeno mantial de auga potable procedente da montaña.

Descricións das características antrópicas
É unha zona na que se poden encontrar numerosas casas, especialmente antigas e de pedra, e moitos horreos. Tamén hai zonas de cultivo (nas que se cultivan sobre todo grelos, millo e trigo) , campos abertos ou rodeados de muros de pedra e pequenas hortas(nas que se colleitan sobre todo patacas, tomates, cebolas).

Actividades asociadas ao lugar
As veces, sobre todo os fins de semana ou polo verán, veñen rapaces e rapazas de outras aldeas a facer motocross e ciclismo no monte xusto ao lado da aldea. Tamén realízanse senderismo rural polo medo da aldea.

Mostras de tradición oral
Non hai mostras de tradición oral, pero unha anécdota que me contaron foi que en Cabanas hai unha costa moi empinada antes de acceder ao monte e, antigamente, unha señora moi mayor chamada Carmen, sempre que baixaba do monte caía de cu e os veciños tiñan que axudala a erguerse.

Presenza do microtopónimo en Galicia
Este topónimo tamen pódese atopar en moitos lugares de Galicia, concrétamente en 55 lugares. Algúns exemplos son no concello de Cabanas da parroquia de Cabanas (Santo André)(A Coruña); no concello de Carballo, na parroquia de Oza (A Coruña); no concello de Cerdido, na parroquia de A Barqueira (A Coruña); no concello de Cervantes, na parroquia de Cereixedo(Lugo); no concello de Forcarei, na parroquia de Forcarei (San Martiño)(Pontevedra) e no concello de A Bola, na parroquia de San Martiño de Berredo (San Martiño)(Ourense).

Fotografías do lugar

Fotografías adicionais

Fontes secundarias empregadas
https://academia.gal/dicionario
https://www.xunta.gal/nomenclator
https://galicianomeada.xunta.gal/sixtop/inicio
https://gl.wikipedia.org/wiki/Portada

Nome e apelidos
Maria del Carmen Couto López

Topónimo

A Ameixenda

Alex García Camiño · 24 abril 2022 13:04

Pronuncia do topónimo

Fotografía no lugar e coa persoa informante

Localización

Parada #	Nombre	Descripción	Latitud	Longitud
1	O Vilar, A Ameixenda, Ames, A Coruña.	A Ameixenda é unha aldea pequena, de uns 300 habitantes. Só ten unha taberna, chamnada Taberna O Cruce. É un sitio sombrío e con moita vexetación.	42,928251343	-8,615545376

Significado do topónimo
O seu nome fai referencia a súa vexetación, a que é moi variada e moi abundante. Tamén se coñece como Santa Mariña de Ameixenda.

Clasificación segundo o significado
Fitotopónimo

Datos de interese do lugar nomeado

Descricións da paisaxe onde se sitúa
Hai oito núcleos de poboación: O Vilar, Ameixenda, Sura, O Mercuto, Cortegada, Quintáns, Montemaior e A Folgueira. Para donde queiras que mires, ves moitas árbores e vexetación. Na Ameixenda e no Vilar, hai dous lavadoiros, donde antes se lavaba a roupa. Somos arredor de 300 habitantes, e todos nos coñecemos. Tamén hai un pequeno río, e moitas carballeiras.

Mostras de tradición oral
Nos tempos da infancia de miña avóa, mentres lavaban a roupa nos lavadoiros, cantaban todas xuntas.

Fotografías do lugar

Fotografías adicionais

Nome, apelidos, relación contigo e idade
Sara Otero García. Ten 23 anos e é miña prima.

Versión popular do microtopónimo

Rioseco

Jaime Fernández Fernández · 2 marzo 2020 16:39

Versión oficial do microtopónimo
Rioseco

Pronuncia do microtopónimo

Fotografía no lugar e coa persoa informante

Localización

Parada #	Nombre	Descripción	Latitud	Longitud
1	Rioseco	A Coruña, Carnota, San Mamede	42,851321349	-9,092504375

Significado do microtopónimo
É a zona onde antes había un río e co tempo secou quedando unhas brañas húmidas, pero que xa non teñen cauce de río.

Clasificación segundo o significado
Hidrotopónimo

Descricións das características naturais
Está nun val protexido do vento polo monte Pindo.

Descricións das características antrópicas
Só hai dúas casas construidas ahí e o resto son fincas adicadas a herbais e a plantacións, sobre todo de patacas e verduras (repolos, coles...)

Actividades asociadas ao lugar
Na actualidade a maioría da poboación é xubilada. Celebran as festas na honra a San Mamede en agosto e ao Santo Cristo en septembro. Os xubilados foron mariñeiros polo que teñen pasatempos asociados coa ribeira: pescar, coller berberechos, pasear pola praia...

Mostras de tradición oral
Os primeiros veciños que construiron ahí foron moi criticados porque se consideraba que era un lugar moi solitario.De feito, non había ningún camiño polo que puidera pasar un carro ou un coche, soamente sendeiros de a pé entre as leiras.

Presenza do microtopónimo en Galicia
Aparece nos seguintes concellos:
Calvos de Randín (na Limia), na parroquia de Campelo (no Corgo), na parroquia de Santa María de Lagostelle (en Guitiriz), na parroquia de Santa Xiá de Monfero (en Monfero), na parroquia de Muras (en Muras), na parroquia de Aro (en Negreira), na parroquia de Figueiroá (en Paderne de Allariz), e na parroquia de Vilela (en Taboada).

Fotografías do lugar

Fontes secundarias empregadas
Ares Vázquez, N. (2013): Estudos de toponimia galega.Real Academia Galega. P. 426, p. 1130.
Cabeza Quiles, F. (2008): Toponimia de Galicia. Guías AZ. Editorial Galaxia. P. 394
García Pérez, G.: Redundancia toponímica (España y Portugal). El Nuevo Miliriario. P. 55
htpps://tierra.tutiempo.net/Acceso o día 20/02/2020
htpps://gl.m.wikipedia.org/Acceso o día 20/02/2020

Nome e apelidos
María Soledad Louro Lestón

Versión popular do microtopónimo

Socastro

Sara Casuso Mosquera · 4 marzo 2020 21:27

Versión oficial do microtopónimo
Socastro

Pronuncia do microtopónimo

Fotografía no lugar e coa persoa informante

Localización

Parada #	Nombre	Descripción	Latitud	Longitud
1	Socastro	Socastro está situado en A Coruña, no concello de Teo, parroquia de San Xoán de Calo.	42,819982728	-8,591930499

Significado do microtopónimo
Antigamente, existía un castro no alto do lugar. Foron construídos polos romanos que chegaron a Península. Pasado uns anos, só se conservaron as pedras coas que se contruía as paredes dos castros.
Na actualidade só se pode acceder a un, xa que o outro foi derribado para contruír unha casa.
Por isto, provén o nome de Castro. Mentres que o prefixo so- significa abaixo.
En conclusión podemos dicir que Socastro significa “Zona baixa ou ao pé do castro”.

Clasificación segundo o significado
Núcleo de poboación

Descricións das características naturais
Sitúase nunha zona de moito desnivel que conta cun monte na parte máis alta do Socastro. Tamén existen leiras pertenecentes aos veciños do lugar.

Descricións das características antrópicas
Socastro é unha aldea con casas, a maioría de pedra. Nela hai un lavadoiro e un horreo.

Actividades asociadas ao lugar
Cada ano, un veciño do lugar ofrece un porco para sacrificalo e preparalo para comer entre os veciños do lugar.
Os días previos á matanza, as persoas expertas neste procedemento preparan todos os utensilios que van a utilizar.
O día propio da matanza, levantanse todos moi cedo pola mañá sacrifican o animal, límpano reservando os intestinos e o estómago. Ao acabar este proceso de matanza, pola tarde vai o veterinario a inspeccionalo.
Ao día seguinte, preparan a carne para facer os embutidos e chourizos.
Finalmente, cando xa está todo listo para comelo, xúntanse todos os veciños e disfrutan destes alimentos.

Mostras de tradición oral
A miña nai contoume que cando iban a derribar uns dos castros do alto do monte para facer unha casa, os veciños do lugar protestaron facendo unha manifestación no portal do concello de Teo.
Aínda así, o concello non quixo facer caso ao que lle pedían polo que lle deron permiso a derribar un dos castros.

Presenza do microtopónimo en Galicia
Este microtopónimo atópase nos concellos de: Cercido, Rois, Valga e Vedra.

Fotografías do lugar

Fotografías adicionais

Fontes secundarias empregadas
Nomenclator. https://www.xunta.gal/nomenclator?p_p_id=NomenclatorPortlet_WAR_NomenclatorPortlet&p_p_lifecycle=1&p_p_state=normal&p_p_mode=view&p_p_col_id=column-1&p_p_col_count=2&busquedaGuiada=1&idProv=4&idConc=15082&idParr=1508202 , acceso o día 15/ 02/ 2020.

Galicia nomeada. https://galicianomeada.xunta.gal/sixtop/inicio , acceso o día 02/ 03/ 2020

Etimologías. http://etimologias.dechile.net/?castro , acceso o día 04/ 03/ 2020

Estraviz. https://estraviz.org/Socastro , acceso o día 04/ 03 / 2020

Cabeza Quiles, F., Os nomes de lugar. Topónimos de Galicia: orixe e significado , Xerais

Real Academia Galega. https://www.academia.gal/ , acceso desde o día 15/ 02/ 2020

Nome e apelidos
Marta María Mosquera Tojo, 50 anos. Cesar, Calo, Teo. Nai.

Topónimo

(no especificado)

Nerea Fernández Lois · 23 abril 2022 18:40

Significado do topónimo
(no especificado)

Clasificación segundo o significado
(no especificado)

Descricións da paisaxe onde se sitúa
(no especificado)

Mostras de tradición oral
(no especificado)

Nome, apelidos, relación contigo e idade
(no especificado)

Geography and History of Ames

Atrapa un topónimo! « Atrás Buscar: