Historia
Ana pasou a súa vida traballando no campo e coidando do fogar.
Dentro da labor de campesiña fixo diferentes oficios que naquela época non estaban remunerados, así como vendedora de produtos da casa e da horta, lavandeira e menciñeira,
Tiña que facer sempre o mesmo, ir de madrugada a traballar as terras e voltar á hora do xantar para continuar pola tarde.
Muxía as vacas para vender unha parte dese leite, estraba as cortes e o esterco empregábao como abono para cultivar. Despois diso ía a plantar hortalizas á horta da casa, iso facíao antes do xantar para que lle quedase menos tarefa.
Cando chegaba á súa casa ocupábase dos fillos, facía a comida e limpaba a vivenda. Pola tarde ía vender os produtos recolectados da horta, xunto co leite, e aproveitaba a ocasión para ir coller auga a unha fonte que estaba na ruta que facía cando ía vender.
Ao vivir durante a época franquista había moita escasez de alimentos e subsistían como podían.
Tamén era lavandeira, ía todos os días moi cedo a un pozo que había preto da súa casa a lavar a roupa. Era un traballo moi duro, xa que co frío as mans cuarteábanse debido á baixa temperatura do ambiente e da auga. Ademais, tíñase que agachar para lavar a roupa, polo que estar todo o tempo así era moi canso.
Outro dos seus oficios era o de menciñeira, preparaba distintas brebaxes curativas que daquela actuaban como calmantes, desinfectantes, etc. Dábaselle bastante ben esa labor, pois os seus devanceiros trataron de ensinarlle todos os seus coñecementos sobre ese oficio, que era considerado un oficio de bruxas.
Dende moi pequena, Ana recibiu comentarios machistas por parte da súa familia, notaba as diferenzas que facían entre ela o seu irmán. Ana tiña que aturar máis comentarios despectivos de xente allea a ela: veciños, coñecidos... Ninguén facía nada ao respecto, pero ela sabía defenderse soa e sempre tentou cambiar eses pensamentos que a xente tiña.
Naquela época estaban normalizados diferentes comportamentos machistas e que ela non toleraba. As mulleres tíñanse que encargar do coidado do fogar e dos fillos principalmente, tamén a traballar no campo. Quen facía os traballos considerados como os "máis duros" nesa época eran os homes, así como ir a traballar no monte, porque seica as mulleres non eran capaces de facer o que facían eles.
O pouco que foi á escola tamén lle fixo pensar sobre a situación das mulleres, pois separaban as clases, nenas por un lado e nenos polo outro. A pesar diso, dábanlle máis oportunidades de estudar aos rapaces que ás rapazas.
A ela non lle chamaba a atención facer unha carreira, tampouco había as oportunidades que hai agora e pouca xente podía permitirse a comodidade de que os seus fillos estudasen.
Foi pouco tempo á escola pero como antes o campo tiña un rol fundamental na sociedade pois podía seguir adicándose a iso.
Iso tivo unha influencia negativa para ela, demasiado esforzo físico, baixa autoestima e ánimo.
Outras mulleres deixaban que fose o home quen dominase todo, ían "normalizando" esa clase de comportamentos, pero ela continuou loitando para conseguir igualdade entre mulleres e homes.
Ela sempre di que se nacese nesta xeración as cousas serían diferentes, pero que por desgraza, aínda queda moito por loitar.
Se os campesiños loitaron contra señores feudais, reis... e acabaron conseguindo que se lles tratasen coma persoas... por que nós non podemos conseguir a igualdade?
Aínda queda moito camiño por recorrer pero estámolo logrando.