Explicación da foto documental
Con este elemento, seguindo na liña do que explicamos no making-of, queriamos homenaxear a todas as vítimas da violencia de xénero e condenar a presenza constante dun execrable fenómeno que, desgraciadamente, segue moi vixente no nosa sociedade en pleno século XXI. Cremos que é fundamental concienciar á sociedade e, principalmente, ás xeracións máis novas de que o machismo aínda segue existindo no noso entorno e, moitas veces, de forma máis abundante do que parece. Ben é certo que de aquí a cincuenta anos vista, se produciron numerosos avances no ámbito da igualdade e do feminismo. Aínda así, quedan moitos aspectos que enmendar e mellorar, e aínda que moitos non o crean, a brecha salarial, a violencia de xénero, a precariedade das mulleres no mundo laboral e os discursos falaces en contra da igualdade seguen existindo. Hai colectivos que afirman que o feminismo e a loita pola igualdade de xénero son intentos de crear unha sociedade hembrista; de inferiorizar a posición do home; de impoñer unha ideoloxía baseada en propaganda por parte de gobernos progresistas e as masas radicais, etc. Non obstante, nós consideramos que sentar as bases da igualdade e da equidade nunha sociedade democrática é fundamental, pois sen elas non se pode considerar como tal (xa que os principios desta sistema baséanse na igualdade de dereitos, liberdades e plenitude social entre seres humanos; por unha razón de dignidade). Negar a existencia das desigualdades entre homes e mulleres, que se viron considerablemente agravadas pola pandemia, é algo que din os datos, os estudos sociolóxicos e as diferentes ONGs, non só Irene Montero.
Non obstante, tamén queríamos recalcar a nosa preocupación pola oleada de extremismo que se está manifestando no eido de feminismo. Realmente, posturas xenuinamente hembristas, basadas en bulos e propaganda, prexuízos e opinións do máis infundadas non poderían ser consideradas como tal; todo o contrario, o único que fan é danar ao verdadeiro feminismo (basado na ciencia, nos datos, nos estudos máis profundos e contrastados, na experiencia histórica, etc.) e crear a falsa percepción social de que este movemento quere revertir a situación actual á dunha sociedade misándrica (un término moi acuñado ultimamente, que ven a significar o contrario que o machismo, coa figura da muller como dominante). Con esto, non queremos dicir que estas posturas sean hexemónicas fronte as verdadeiramente igualitarias; non obstante, adóitase dicir que os extremismos fan moito ruído e, desgraciadamente, é verdade.